“Edhe për dy muaj do të vazhdojnë masat anti-Covid në Gjermani”

14:33 | 12 Janar 2021
Arbresh.info

Mediat gjermane pretendojnë se kancelarja gjermane Angela Merkel tha se masat kufizuese të vendosura për parandalimin e përhapjes së pandemisë së koronavirusit të ri (COVID-19) duhet të vazhdojnë të paktën edhe për dy muaj të tjerë, transmeton Anadolu Agency (AA).

Sipas gazetës “Bild”, Merkel në takimin e grupit të punës për çështje të brendshme tha se është e nevojshme që masat e rrepta të qëndrojnë në fuqi edhe për 8-10 javë për të parandaluar përhapjen e koronavirusit.

Raportohet gjithashtu se Merkel paralajmëroi se numri i rasteve do të rritet dhjetëfish deri në festën e Pashkëve nëse nuk arrihet të mbahet jashtë vendit lloji i ri i koronavirusit, i cili kohët e fundit u shfaq në Britaninë e Madhe.

Pashkët Ortodokse në 2021 festohen më 2 maj, ndërsa Pashkët Katolike më 4 prill.

Shpërndaje në rrjete sociale

Lajmet më të lexuara

Të ngjashme

Foto lajm